ЗАР »
АТГ-ЫН ҮНЭЛГЭЭГЭЭР ДУНДГОВЬ МУУ, ЗАВХАН САЙН ДҮН АВЧЭЭ
Улс
төр, эдийн засаг, боловсрол, эрүүл мэнд, хууль, шүүх эрх мэдэл, бүртгэл
хяналтын гээд бүх салбарт нүүрлэсэн үндэсний аюулгүй байдалд нөлөөлөх
хэмжээнд хүрээд байгаа том асуудад бол авлига. Тэгвэл Авлигатай тэмцэх
газар /АТГ/ Азийн сан хамтран "Монгол Улс дахь авлигын нөхцөл
байдал:Судалгаа шинжилгээ-анализ” практикийн бага хурлыг өнөөдөр /2018.12.04/
зохион байгууллаа.
АТГ-ын Судалгаа шинжилгээний албаны дарга Ц.Шинэбаяр "Судалгаагаар хамгийн их хүнд суртал, авлига төрийн дунд шатанд их
байгааг" онцлоод "-Судалгаанаас харахад
хамгийн муу үзүүлэлтүүдийг аймгуудын Засаг даргын Тамгын газрууд эзэлж байна.
Аймгуудын Засаг даргын Тамгын газарт ажиллаж байгаа хүмүүс авлигатай тэмцэх
хүсэлгүй байна. 2013 оноос хойш аймгийн Засаг даргын Тамгын газрууд
өөрсдөө төсвийн хөрөнгөө захиран зарцуулдаг болчихсон. АТГ-ын ажилтнууд
хөдөө орон нутаг, аймгуудад ажиллахад энэ байдал илэрхий харагдаж байна
лээ. Төсөв мөнгийг үргүй зарцуулдаг. Тендер худалдан авалт дээр булхай
луйвар хийдэг. Ийм хууль бус зүйл зөндөө гарч байна. 2015, 2016 онд
хийсэн шударга байдлын судалгааг 2018 оныхтой харьцуулахад үзүүлэлт
нь жил ирэх тусам буурч байна." гэсэн юм.
2018 оны Шударга бус байдлын үнэлгээ судалгааг хийж гүйцэтгэсэн "SICA" судалгааны газрын захирал Г.Эрдэнэбаяр "Шударга бус байдлын үнэлгээний эхэнд Дундговь аймгийн ЗДТГ орсныг" мэдээллээ. Тэрээр цааш нь ярихдаа: -Говь-Алтай, Орхон, Дундговь аймгийн Засаг даргын Тамгын газар 60 хувиас доош буюу тааруу үнэлэгдсэн байна. Аймгууд бага үнэлэгдсэн нь тухайн аймгийн үйл ажиллагаа иргэдэд хязгаарлагдмал байгаатай холбоотой юм. Мөн иргэд олон нийт аймгуудынхаа удирдлагуудад таатай ханддаггүй нь ажиглагдсан." гэсэн юм
АТГ-ын мэдээллээс
Санал болгох
Сэтгэгдэл бичих
АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!