АВТО ОСЛООС ХИЧЭЭХ ӨДӨР МАНДАЛГОВЬД

Манай улс зам тээврийн ослоор хохирсон иргэд, тэдний ар гэрийнхний дуу хоолой, үйлдлээр дамжуулан зам тээврийн ослын хор аюулыг таниулах зорилгоор "Зам тээврийн ослоор хохирсон иргэд, ар гэрийн дуу хоолойг олон нийтэд хүргэх өдөр”-ийг  5 жилдээ зохион байгууллаа. Дэлхий дээр зам тээврийн ослын улмаас жилд 1,3 сая хүн амь насаа алдаж, 50 сая хүн бэртэж гэмтэж байгаа бол Монгол улсын 3,8 сая хүн ам жил бүр 500 гаруй иргэдээ зам тээврийн ослын улмаас алдаж байна.

Энэхүү үйл ажиллагаа нь зам тээврийн ослоос урьдчилан сэргийлэх, ослын аюулыг бууруулах, иргэдийг гэмт халдлагаас хамгаалах, зөрчлийн улмаас зам дээр амь насаа алдсаны  дараа хүндэтгэл үзүүлэх биш амь насаа алдахаас нь өмнө урьдчилан сэргийлэх үндсэн зорилготой бөгөөд энэ жил Дундговь аймгийн Цагдаагийн газар авто тээврийн болон даатгалын компаниудыг оролцуулан "Хичээх өдөр” уриан дор аймгийн хэмжээнд зохион байгуулав .

Энэ өдөр дуут дохио өгөн тээврийн хэрэгслийн цуваа Мандалговийн төв гудамжаар явууллаа. Мөн даатгалын компаниуд авто ослын улмаас эрүүл мэндээр хохирсон зарим иргэнд хүндэтгэл үзүүллээ. Тухайлвал,Бодь даатгал компаний салбараас иргэн Л.Дааний, Н.Баярсайхан нарын гэрт очин тэдэнд хүндэтгэл үзүүлэн компанийнхаа бэлэг гардуулсан юм.