ЗАР »
ДИЛАВ ХУТАГТЫН ХҮЗҮҮН ДЭЭР МОРДОЖ ЯВСАН ХҮҮ
Гурван настайдаа Дилав Хутагтын хүзүүн дээр мордон эрхэлж явсан Нямын Цагаан-Өвгөн гуай 90 нас зооглочихоод Дундговь аймгийн Өлзийт суманд энх тунх аж төрж үүх түүх, аж амьдралын ухааныг үр хүүхэд, залуу хойч үедээ хүүрнэн сууна. Н.Цагаан-Өвгөн гуайнх түүнийг гурван настайд хил дамнасан их нүүдлээр Өвөр Монголын Сөнөд хошуу хүрч тэнд арваад жил суурших үед Дилав Хутагт Б.Жамсранжав гуайнх айлсан бууж цагаан гүүний саам уунгаа Цагаан-Өвгөн гуайг хүзүүн дээрээ мордуулан эрхлүүлж амттан, чихэр, жимсээр дайлж байсан тухай ахмад сэтгүүлч Бадрахын Наймаа номдоо өгүүлсэн бий.
Тэр үед Дилав Хутагт тэдний "Алтангэрэл" номонд "Салхи оруулан" адис өгөнгөө өөрийн нэгэн зургийг номонд нь хавчуулж орхисныг хожим мэдэж үе дамжин нандигнан хадгалсаар иржээ. Уул зураг өнөө хүртэл хаа нэгтээ хэвлэгдээгүй бөгөөд Б.Наймаа өөрийн номонд анх удаа нийтэлснийг энд толилуулж байна. Дилав Хутагт ӨвөрМонголоос Америкт очиж суурьшин Монгол улсын Нэгдсэн Үндэсний байгууллагын бүрэн эрхт гишүүн болоход түүхэн үүрэг гүйцэтгэсэн гавьяатай хүн болохыг Монголчууд мэдэх билээ. \Гэрэл зургуудыг Б.Наймаагийн "Өлзийт түмний өнгө жавхаа" номоос ашиглав\
С.ПҮРЭВСҮРЭН
Санал болгох
Сэтгэгдэл бичих
АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!
