ЗАР »
Флойд Мэйведер тулаанаа цуцаллаа
Энэ оны сүүлийн өдөр мэргэжлийн боксын 5 холбооны дэлхийн аварга, АНУ-ын тамирчин Флойд Мэйвэдэр, Японы кикбоксын залуу од Тэншин Насүкава нар Япон улсад нэгэн сонирхолтой тулааныг хийхээр болоод байсан. Гэвч лхагва гаригт Мэйвэдэр өөрийн цахим хуудсаараа дамжуулан энэ тулаан болохгүй гэдгийг мэдэгджээ. Тэр ч бүү хэл өрсөлдөгчийнхөө талаар юу ч мэдэхгүй гэсэн байна. 41 настай Мэйвэдэр эхэндээ тус тулааныг телевизээр шууд дамжуулахгүй гэж бодсон гэнэ. Тэрээр Тэншин Насүкаватай албан ёсны тулаан хийх ямар ч гэрээнд гарын үсэг зураагүй аж. Угтаа бол 9 минутаар 3 раундын тулаан хийхийг "Rizin Fighting Federation” хүсчээ.
Карьертаа нийт 50 тулаан хийхдээ нэг ч ялагдаагүй Мэйвэдэр өнгөрсөн оны 8-р сард холимог тулааны од Конор МакГрегорыг буулгаж авснаас хойш албан ёсны тулаан хийж амжаагүй байгаа юм. Хэрвээ Флойд Мэйведер Японд тулаан хийсэн бол 88 сая ам доллар авах ёстой байлаа.
Санал болгох
Сэтгэгдэл бичих
АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!
