Улсын наадмыг угтаж 169 тонн хог хаягдлыг цэвэрлэв

 

Тулгар төрийн 2225 жил, Их Монгол улс байгуулагдсаны 810 жил, Ардын хувьсгалын 95 жилийн ойн баяр” наадмыг угтан  Баянзүрх дүүргийн Засаг даргын А/229 дугаар захирамжийн дагуу  бүх нийтийн их цэвэрлэгээг зохион байгууллаа.

 

Цэвэрлэгээнд  дүүргийн 28 хороо, Нийтлэг үйлчилгээний газрууд, харьяа хэлтэс, албад, цэргийн анги, нэгтгэлүүдийг оролцож  ус цуглардаг гуу жалга, түүвэр хогийн цэвэрлэгээ болон ахуйн гаралтай хог хаягдлыг цэвэрлэсэн аж.  Мөн Туул, Улиастай, Сэлбэ гол дагуу их цэвэрлэгээг өрнүүлжээ. Улсын баяр наадмыг угтсан тус цэвэрлэгээнд 1050 хүн оролцож 169 тн хог хаягдлыг 39 машинаар 66 удаагийн рейсээр ачиж тээвэрлэсэн байна.

Түүнчлэн  Баянзүрх дүүргийн Тамгын газрын хэлтэс болон Нийслэлийн Захирагчийн ажлын алба, Байгаль орчин, ногоон хөгжил, аялал жуучлалын яам, хотын хөгжлийг дэмжигч "Шинэ тосгон” ТББ-аас гарсан хог хаягдлыг цэвэрлүүлэх, хийгдэж байгаа ажлыг эрчимжүүлэхэд хяналт тавьж ажиллажээ гэж Баянзүрх дүүргийн хэвлэл мэдээллийн албанаас мэдээллээ.