АТГ-аас аймаг, сумдын 588 албан тушаалтанд сургалт явууллаа

🕔 2017/01/09 14:55

 

Авлигатай тэмцэх газрын Хяналт шалгалт, дүн шинжилгээний хэлтэс, Урьдчилан сэргийлэх, соён гэгээрүүлэх хэлтэс хамтран 2016 оны 1 дүгээр сарын 5-6-ны өдрүүдэд 21 аймгийн ИТХ, Засаг даргын Тамгын газар болон зарим сумдын мэдүүлгийг бүртгэх, хянах, хадгалах эрх бүхий албан тушаалтан болох нийт 588 албан тушаалтанд онлайн сургалт зохион байгуулсан байна.

Сургалтын явцад хөдөө орон нутагт гарч буй нийтлэг зөрчил, цаашид анхаарах асуудал болон Улсын Их Хурлын Хууль зүйн байнгын хорооны 2017 оны 1 дүгээр сарын 3-ны өдрийн 01 тоот тогтоолоор батлагдсан "Баталгааны маягт” түүнийг хэрхэн бүртгэж, хяналт тавьж ажиллах талаар арга зүйн зөвлөгөө өгч, мэдээлэл солилцсон байна.

Мэдүүлэг гаргагчид нь хуульд заасан үндэслэлийн дагуу хувийн ашиг сонирхлын мэдүүлэг болон хөрөнгө, орлогын мэдүүлгээ жил бүрийн 2 дугаар сарын 15-ны дотор цахим систем буюу www.meduuleg.iaac.mn цахим хуудсаар шинэчлэн мэдүүлэх үүрэгтэй бөгөөд улсын хэмжээнд хөрөнгө, орлогын мэдүүлгийг бүртгэх үйл ажиллагаа эхэлсэнтэй холбогдуулан тус газраас мэдүүлэг гаргагч болон төрийн байгууллагын удирдлага, мэдүүлгийг бүртгэж, хянаж, хадгалах үүрэгтэй эрх бүхий албан тушаалтан нарт зориулсан олон талт сургалт, сурталчилгааны ажлыг зохион байгуулан ажиллаж байна.

Санал болгох

Сэтгэгдэл бичих

АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!