Орон нутаг нинжа нарт зөвшөөрөл олгож эхэллээ

 

Байгалийн баялаг бүхий сумдын удирдлагууд УИХ-ын болоод орон нутгийн сонгууль болох гэж буйтай холбогдуулан  нутгийнхаа  гар аргаар алт олборлогч иргэдэд тусгай хэрэгцээнд 1.5 хүртлэх га талбайг ойн нөхөн сэргээлтийн журмаар ашиглах зөвшөөрлийг олгож эхэлсэн байна.  

Энэ нь нинжа буюу гар аргаар алт олборлодог иргэд нөхөрлөл байгуулан ойн сан бүхий газарт алт олборлож болох бөгөөд  олборлолт явуулаад дууссаныхаа дараа байгалийн нөхөн сэргээлтийг чанарын өндөр төвшинд хийж гүйцэтгэх ёстой аж.  

Үйл ажиллагаа явуулах зөвшөөрлийг нөхөрлөлүүдэд олгож эхэлсэнтэй холбогдуулан  байгалийн нөхөн сэргээлтийн санд гурав хүртлэх сая төгрөгийг байршуулахаар болжээ.  Хэрэв тухайн нөхөрлөл нөхөн сэргээлтийг хангалтгүй  гүйцэтгэсэн тохиолдолд санд байршуулсан мөнгөөр нь орон нутаг нөхөн сэргээлтийг дахин хийх гэнэ.