Хятадууд Титаникийг шинэчлэн бүтээж байна

БНХАУ-д алдарт Титаник хөлөг онгоцийг яг анхны загвараар нь барьж байна. Уг үзүүлэн усан онгоцийг Бээжин хотын жуулчдын гудамжинд байршуулах бөгөөд чамгүй ашиг олно гэж зохион бүтээгчид дүгнэжээ.

 

Хөлөг онгоцийг 269 метр урт байхаар тооцсон нь анхны Титаник хөлгөөс ялгүй урт юм. Гэсэн ч гаднах өнгө үзэмж, өрөөний дотоод зохион байгуулалт, тэр бүү хэл Их Британи, Европын язгууртнуудын хэрэглэж асан зарим эд зүйлсийн дууриамлыг тэр чигээр нь байрлуулах аж.

 

Титаникийг сэргээн барих ажил өнгөрсөн лхагва гарагаас албан ёсоор эхэлжээ. Энэ ажилд Хятадын Шанхай хотын алдар цуутай усан флотын инженер, уран дархчуул уригдаж оролцох аж.

Түүх сөхвөл 1912 онд Атлантын далайн тэг дунд Харланд, Уолф нарын зохион бүтээсэн "Хэзээ ч үл живнэ” уриатай Титаник хөлөг мөсөн уул мөргөж, гэмтсэнээр тусламж ирэхийг хүлээж амжилгүй живж, 1500 зорчигч амиа алдаж байсан билээ.