Украины Ерөнхийлөгч эх оронд нь хүний амь үрэгдэж байгаад өрнөдийн орнуудыг буруутгав

Украин хүний амь нас үрэгдэж байгаагийн хариуцлагыг тэнгэрийг хаах, онгоц олгохоос татгалзаж буй өрнөдийн орнууд хүлээнэ гэж Владимир Зеленский мэдэгдлээ. "13 өдөр бид зөвхөн амлалт л сонслоо. 13 өдөр бидэнд яг л одоо тэнгэрт туслах гэж байна, онгоц олгоно, бидэнд өгнө гэж ярьж байна” хэмээн Зеленский бичлэгтээ тэмдэглэжээ.

Түүний баталснаар, Украинд хүний амь үрэгдсэн буруу Оросынх ч хариуцлагыг нь өрнөдийн орнууд ч хүлээнэ гэжээ. "Өрнөдийн орнуудад байна уу, танхимд байна уу, 13 өдөр шийдвэр гаргаж чадахгүй байгаа хүмүүс ч хариуцлага хүлээнэ” хэмээн Зеленский онцлон хэлжээ.

Тэдний хэлснээр, өрнөдийн орнуудын удирдагчид Украины тэнгэрийг агаарын цохилтоос хамгаалж, бүслэлтийг сэтлэхэд тусалж чадах байсан ч ийм зүйл хийгээгүй. Зуу зуун хүн хотод үхэл, амьдралын заагт байхад Украинд шаардлагатай агаарын техник, нэн хэрэгцээтэй пуужингийн эсрэг хамгаалалт олгох талаар улстөрчид дуугарахгүй л байна гэжээ.

Түүнчлэн тэрбээр дэлхийн улс орнуудын удирдагчид дайныг зогсоохын тулд хүчээ гаргахгүй бол ард түмэнд нь хандана гэжээ. Орос Украинд хоёрдугаар сарын 24-нд цэргийн ажиллагаагаа эхэлсэн юм. Ерөнхийлөгч Владимир Путин түүнийг "8 жилийн турш дээрэлхүүлж, Киевийн дэглэмийн зүгээс геноцидод өртсөн хүмүүсийг хамгаалах” зорилготой гэжээ.

Үүний тулд тэрбээр Украиныг цэрэггүйжүүлэх, нацизмгүйжүүлэх, Донбассын энгийн номхон иргэдийн эсрэг цуст гэмт хэрэг үйлдсэн этгээдүүдийг цэргийн гэмт хэрэгтнүүдийг бүгдийг нь шүүхэд өгөхөөр төлөвлөсөн гэжээ. ОХУ-ын зэвсэгт хүчний дэмжлэгтэйгээр Донецк, Луганскийн бүлэглэл тулалдаж байна.

Эх сурвалж: РИА Новости