ЗАР »
АНУ Оросын цахим халдлагад хариу өгнө гэв
Оросын талаас Америкийн дэд бүтцүүдэд өгөх цахим халдлагад хариу өгнө гэж Цагаан ордны хэвлэлийн төлөөлөгч Жен Псаки мэдэгджээ.
"АНУ-ын Ерөнхийлөгч Жо Байден цахим халдлагуудыг бид хянаж, ийм халдлагад хариу өгөх эрхээ эдэлнэ гэдгийг онцолсон" хэмээн Жен Псаки Твиттер хуудсандаа бичсэн байна.
Псакигийн өгүүлснээр зургадугаар сарын 16-ны өдөр Женевт болсон дээд хэмжээний уулзалтын үеэр зохих сануулгыг Оросын талд өгсөн гэнэ. Харин Америкийн дэд бүтцэд хохирол учруулсан нөхцөлд Оросын ямар объектуудад хариу арга хэмжээ авах талаар тодорхой мэдээлээгүй бөгөөд энэ талаарх сэтгүүлчийн асуултад "Вашингтон төлөвлөж буй арга хэмжээнүүдээ зарладаггүй" хэмээн хариулжээ.
Женевт болсон дээд хэмжээний уулзалтын дараа АНУ-ын Ерөнхийлөгч Жо Байден дэд бүтцийн 16 салбарын объектын жагсаалтыг Путинд өгсөн бөгөөд эдгээр объектууд руу цахим халдлага хийвэл хамгийн хатуу байдлаар хариу өгнө хэмээн анхааруулсан гэнэ.
Энд дуулгахад, тавдугаар сард Америкийн хий дамжуулах хоолойн оператор компани болох Colonial Pipeline руу хийсэн цахим халдлагын ард Оростой холбоотой хакерууд байгаа гэж Америкийн хэвлэлүүд мэдээлж байлаа. Гэхдээ Цагаан ордон энэ мэдээллийг батлаагүй бөгөөд халдлагыг ямар нэг улс биш харин хакерчдын бүлэг үйлдсэн гэж АНУ-ын Ерөнхийлөгчийн Үндэсний аюулгүй байдлын зөвлөх Энн Нюбергер онцолж байв.
Санал болгох
Сэтгэгдэл бичих
АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!
