ЗАР »
Хариу арга хэмжээ авах ажлын хэсэг Дэлгэрцогт суманд ажиллаж байна
Дундговь аймгийн Засаг даргын орлогч М.Анхбаяраар ахлуулсан "Хариу арга хэмжээ авах ажлын хэсэг" Дэлгэрцогт суманд ажиллаж байна.
Тус ажлын хэсэг байгалийн гамшигт өртсөн иргэд, малчидтай биечлэн уулзаж нөхцөл байдалтай газар дээр нь танилцан, эхний ээлжинд 100 шуудай тэжээл, 1000 боодол өвс, 2 сая төгрөгийн шатахууны зардал болон айл өрхүүдэд хүнсний багцыг хүлээлгэн өгч байна.
Мөн тус сумаас шуурганд амь эрсэдсэн нэг иргэний ар гэрт эмгэнэл илэрхийлж, аймгийн Засаг даргын нөөцөөс нэг сая төгрөгийн дэмжлэг үзүүлэв.
Байгалийн гамшигт үзэгдлийн улмаас Дэлгэрцогт суманд долоон айлын гэр, 18 айлын хашаа нурж, хэд хэдэн барилга байгууламжийн дээвэр хуурч, 85400 толгой мал уруудаад байгаагаас өнөөдрийн байдлаар 38100 толгой малыг олоод байна. Гамшигт үзэгдлийн үеэр сумын Онцгой комисст 27 иргэн шуурганд уруудсан дуудлага ирж, 12 хүний бүрэлдэхүүнтэй гурван ажлын хэсэг эрэн хайх ажиллагаа явуулсны дүнд 26 иргэнийг эсэн мэнд олж, нэг иргэн эрсэдсэн юм.
Ажлын хэсэг орон гэргүй болсон дөрвөн айлд гэр өгөх асуудлыг шийдвэрлэж, уруудсан малыг эрж хайх ажиллагааг эрчимжүүлэх, сум орон нутгийн иргэдээс татан оролцуулж малчдад туслах, хохирлын хэмжээг нарийн тогтоох, цаашлаад байгалийн аюултай үзэгдэл тохиолдоход иргэдийн эрүүл мэнд, аюулгүй байдлыг хангахад яаралтай арга хэмжээ авах талаар заавар чиглэл өгчээ.
Санал болгох
Сэтгэгдэл бичих
АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!
