Олон Улсын хөдөлмөрийн байгууллагын мастер багш Дундговь аймагт ажиллалаа

"Нийгмийн түншлэлийн сүлжээ” ТББ, "Дани Монголын нийгэмлэг”-ээс есөн аймгийн 11 сум, Улаанбаатарын хоёр дүүрэгт "Хариуцлагатай тогтвортой нийгэм” төслийг хэрэгжүүлж байгаа бөгөөд төслийн хүрээнд зорилтот сум бүртээ ОУХБ-ын 26 сургагч багшийг бэлтгэж, багш нараараа дамжуулан жижиг, дунд бизнес эрхлэгчдэд "Бизнесээ эхэл” сургалтыг зохион байгуулж байгаа юм.

Сайнцагаан сумын сургагч багш нар энэ сарын 15-20-нд тус суманд төслийн гурав дахь сургалтаа зохион байгуулж байгаа ба мастер багшийн зүгээс сургагч багш нарынхаа сургалтын явцад ийнхүү үнэлгээ хийсэн байна.

Тэрээр аймгийн ЗДТГ-ын ХБХ-ийн дарга, Нийгмийн түншлэлийн сүлжээ ТББ-ын салбарын удирдах зөвлөлийн дарга Н.Эрдэнэ-Очир болон өмнөх "Бизнесээ эхэл” сургалтад оролцсон бизнес эрхлэгчидтэй уулзаж, тэдний бизнесийн үйл ажиллагаатай танилцан зөвлөгөө өгчээ.

Мөн "Зээлийн батлан даалтын сан”-ийн үйл ажиллагааны талаар бизнес эрхлэгчдэд танилцуулж, Жижиг дунд үйлдвэрлэл эрхлэгчдийг дэмжих урт хугацаатай, батлан даалттай санхүүжилтийн эх үүсвэрийг ашиглах боломж байгаа талаар дэлгэрэнгүй мэдээлэл өгсөн байна.

ОУХБ-ын мастер багш Я.Балгансүрэн бизнес эрхлэгчидтэй уулзах үеэр "Нийгмийн баялгийн 80 хувийг бүрдүүлж байгаа бизнес эрхлэгчид бизнесийн соёлд суралцаж, нийгэмд илүү оролцоотой байж, хамтран асуудлаа ярилцан нөлөөлж байх хэрэгтэй. Тэгж нэгдэж, нийлж, хамтран асуудлаа шийддэг болж байж энэ нийгмийг өөрчилнө. Ингэж байж "Хариуцлагатай, тогтвортой нийгэм”-ийг бий болгох ёстой юм” хэмээн онцолжээ. 

Д.Алтантогос