ОЛОН НИЙТЭД САНХҮҮГИЙН БОЛОВСРОЛ ОЛГОХ "СУРГАГЧ БАГШ" НАРЫГ БЭЛТГЭЖ БАЙНА

"Олон нийтийн санхүүгийн суурь мэдлэгийг дээшлүүлэх хөтөлбөр”-ийн хүрээнд  "Сургагч багш” бэлтгэх сургалт Дундговь аймгийн төвд үргэлжилж байна.  Энэхүү сургалтыг Монгол банкны Олон нийтийн боловсрол, мэдээллийн төв,  Санхүүгийн Зохицуулах хороо, БСШУС-ын яамны Насан туршийн боловсролын төв, Бичил санхүүгийн хөгжлийн төв хамтран тусгай удирдамжаар зохион байгуулж байгаа юм.  Дээрх байгууллагуудаас  тухайн асуудлаар мэргэшсэн багш нар ирж  тусгай хөтөлбөрөөр хичээл зааж байгаа энэ сургалтанд оролцсон сумдын Насан туршийн боловсрол хариуцсан багш нарт  Санхүүгийн боловсрол олгох "Сургагч багш”  гэсэн "Серификат” гардуулах юм. Энэ сургалт өмнө нь Төв аймагт явагдсан бөгөөд Дундговь аймгийн дараа Өмнөговь, Дорноговь, Говьсүмбэр, Өвөрхангай, Архангай, Хөвсгөл, Завхан аймагт хүрч нийтдээ эдгээр аймгийн 221 багш  "Санхүүгийн боловсрол олгох Сургагч багш”-аар ажиллах  эрхтэй болно.
                Монгол банкнаас сүүлийн жилүүдэд хэрэгжүүлж байгаа олон нийтийн  санхүүгийн боловсролыг дээшлүүлэх  цуврал аян орон даяар зохион байгуулсан нь үр дүнгээ өгсөн бөгөөд   уул ажлын байнгын, тасралтгүй явуулах нөхцөлийг ийнхүү орон нутагт,  Монгол орны 330 сум бүрд  сургагч багштай болсноор хангаж  байна.
С.ПҮРЭВСҮРЭН