ДУНДГОВИЙН 6 БЯЦХАН СОРОБАНЧ КАМБОЖ УЛСАД БОЛОХ ОЙ ТОГТООЛТ, СОРОБАН САМПИНГИЙН ТЭМЦЭЭНД ОРОЛЦОХ ЭРХ АВЛАА

"ТОЯА" хүүхэд хөгжлийн академийн уламжлал болгон зохион байгуулдаг
"ҮНДЭСНИЙ АВАРГА ШАЛГАРУУЛАХ" 9 дэх тэмцээн 2019 оны 5 дугаар сарын 9-нд буюу өчигдөр Улаанбаатар хотын МҮЭСТО ордонд амжилттай болж өндөрлөлөө.
Энэхүү тэмцээнд 21 аймаг 15 дүүргээс нийт 1800 гаруй хүүхэд оролцсон бол Дундговь аймаг дахь салбараас нийт 28 хүүхэд оюуны ухаанаа сорин өрсөлдөж 12 суралцагч шагналт байр эзэлсэн байна. Тухайлвал, 150 гаруй хүүхэд оролцсон сонсох дасгалын бооцоот тэмцээний 9-өөс доош насны ангилалд У.Mишээл 2-р байр эзэлж бахдам амжилт үзүүллээ. Mөн Mишээл  ой тогтоолт,  сампин,  сонсох гэсэн гурван төрөл дээр бүгдэд нь шагналт байранд шалгарсан байгаа. Ирэх 7 дугаар сард Aнгли улсад болох сампингийн тэмцээн,  мөн ирэх 12 сард Kамбож улсад болох дэлхийн аварга шалгаруулах тэмцээнд У.Мишээл охин оролцох боломж ч нээгдсэн аж. Камбож Улсад болох ОЛОН УЛСЫН ЦЭЭЖ ТООЛОЛ, СОРОБАН САМПИНГИЙН тэмцээнд оролцох эрхийн төлөө Үндэсний аварга шалгаруулах тэмцээнд 1800 гаруй хүүхдүүд оролцсоноос Дундговь аймгийн 6 сурагч тус тэмцээнд оролцох эрхээ өнөөдөр гардан авлаа..
Сампингийн төрөлд:
У.Mишээл - хүрэл цом
Э.Aялгуу - мөнгөн медаль
Б.Уянга - мөнгөн медаль
М.Дунгармаа - хүрэл медаль
Cонсохын тэмцээн
У.Mишээл - 2р байр
Oй тогтоолтын төрөлд
M.Дунгармаа - чампион
Ч.Галиндимаа - мөнгөн цом
Н.Сувд - мөнгөн цом
У.Mишээл - алтан медаль
Л.Долгионмөрөн - мөнгөн медаль
Б.Уянга - хүрэл медаль
Б.Бүжин - хүрэл медаль хүртэж амжилт дүүрэн байлаа. Бяцхан соробанчдад баяр хүргэе. Мөн тэмцээнд бэлдсэн Б.Бадамханд Э.Золзояа багш нартаа Дундговьчууд баяр хүргэж өсвөрийн соробанчид бэлтгэх буянтай үйлст нь амжилт хүсч байна