Шүүх, цагдаа, хуулийн байгууллагын дарга нар эрх мэдэлтнүүдтэй хэлхэлдэхээр мафийн тогтолцоо бий болдог

🕔 2019/03/29 12:18

Монгол улс Мафижсан. Ингэж улс төрчид ч, улс төр судлаачид ч, бизнес эрхлэгчид хэлж дүгнэж буй. Шүүх, цагдаа, хуулийн байгууллагын удирдлагууд эрх мэдэл бүхий улс төрийн бүлгийн захиалгаар өрсөлдөгчийг нь "намнадаг" болсон гэж үздэг, бичдэг, хэлдэг болоод удаж буй. Монгол улсыг эрх барьж буй нам биш, нам нам дамнасан улс төр, бизнес, хуулийн бүлэглэл базаж буй нь ил гарч эхэлсэн. Үүнийг сүүлийн хоёр жил дамнасан улс төрийн тэмцэл гэрчилнэ. Монгол улсыг багалзуурдсан тэрхүү улс төр, бизнес, хуулийн бүлгийн "савраас" нь салгах гэхлээр шүүхээр "тээглэчихээд" байдаг. Эрдэнэт үйлдвэрийн 49 хувийн хамт нэг л залуу Монгол улсын газар доорхи баялагийг хамаад одсоныг буцаах гэхлээр дийлдэггүй. Ерөнхийлөгч нь, Засгийн газар нь хөдлөөд, санаачлаад байхад ерөнхий прокурор гэх нэг хүн хууль яриад, том толгойлоод "хөндлөн хэвтчихдэг". Ийм нөхцөлд хууль дүрэм яриад, тэдэнтэй нялуураад байх шаардлагагүй болсон. Улсын Их Хурлын М.Энхболдын талыг баримтлагчид хичнээн эсэргүүцсэн ч, шударга гишүүд энэ удаад шүүх, хуулийн байгууллагын удирдлагуудыг ҮАБЗ-ийн саналаар өөрчилж байх саналаа хуульчиллаа. Ийнхүү олон жил дархлагдсан, хуулиар далайлгаж, хамгаалалтад байсан шүүгчид, прокурор, АТГ-ын удирдлагыг үл ажиллагаанаас нь хамаарч огцруулж байх боломж нээгдлээ. Тун удахгүй эдгээр дарга нарыг солино. Тэгснээр "чонын ав" эхлэх дохиог өгч эхэллээ. Эрх мэдэлтнүүд нойр нь хүрэхээ больжээ.

Ц.Хишгээ


 

Санал болгох

Сэтгэгдэл бичих

АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!