ЗАР »
Мөлжүүртэй “эрхэм”
Учир нь С.Баярцогт тэр нэгэн өдөр дансандаа олон сая.ам доллар мартсанаас болж монголчуудын мөлжүүртэй сэдэвийнх нь гол бай болсон юм. Тухайлбал, 2013 оны эхээр оффшор дансны тухай асуудал Монгол төдийгүй дэлхий дахинд томоохон дуулиан тарих үед УИХ-ын дэд даргаар ажиллаж байсан С.Баярцогтын оффшор данс илэрч нийгэмд дуулиан тарих үед даарин дээр давс нэмэх гэгчээр Ерөнхийлөгч асан Ц.Элбэгдорж, АН-ын дарга асан З.Энхболд нар түүнийг 2016 оны УИХ-д сонгуульд нэр дэвшүүлэхгүй хэмээн мэдэгдсэн нь хүмүүсийн анхаарлыг улам их татсан юм.
Болсон явдлыг сануулахад 2013 онд Эрэн сурвалжлах сэтгүүлчдийн олон улсын консорциум С.Баярцогтын 2008 онд Монгол Улсын Сангийн сайд байхдаа нээсэн Их Британийн Виржинийн арлууд дээрх "Legend Plus Capital Limited” хэмээх компанийн 2.5 сая ам.долларын нууц хөрөнгийн нотлох баримтыг олсон бөгөөд С.Баярцогт "Legend Plus Capital Limited” гэх нэртэй компанийн нэрийг Швейцарийн банкинд данс нээх зорилгоор ашигласан бололтой. Харин данс нээсэн зорилгоо тэрбээр "Олон улсын үнэт цаасны арилжаа хийхийн тулд нээсэн” хэмээн тайлбарласан байдаг. Мөлжүүртэй эрхмийн тухайн үед тайлбарласнаар бол Швейцарийн дансан дахь нэг сая ам.долларын 200.000 ам.долларыг тэрбээр гэр бүлийн бизнесийн орлого / газар тариалан эрхэлдэг/ хэмээсэн бол 800.000 ам.долларыг нэрийг нь дурьдахыг хүсээгүй бизнесийн хамтрагч, гурван найзынх нь гэжээ. Эрэн сурвалжлах сэтгүүлчдийн олон улсын консорциумын мэдээллээс харахад С.Баярцогт дээрх дансанд 2000 орчим ам.доллар үлдээн, бусдыг нь /1 сая ам.доллар/ данснаасаа гаргасан хэмээн мэдээллэсэн юм.
Үүгээр ч зогсохгүй тэрбээр хөрөнгө орлогын мэдүүлэгтээ гадаад дахь компани болон Швейцарийн банкин дахь нууц дансныхаа тухай мэдүүлээгүй талаар ч дээрх консорциум дурдсан байв.
Энэ үйл явдлаас хойш түүний алдаан дээр намынхан нь нөхдүүд дөрөөлж хийх ажилтай, ярих сэдэвтэй болж доривтой ажил хийлгүй өнөөг хүрсэн. Харин ч энэ асуудлыг ажил хэрэг болгосон хүн нь УИХ-ын гишүүн Т.Аюурсайхан. Тэрбээр тангараг өргөсөн цагаасаа эхэлж оффшорт данстай эрхмүүдийн материалын араас явж бага, багаар олны өмнө ил болгож чуулганы танхимд ч энэ асуудлыг хөндөн ярьж байсан.
Тэгвэл тэрбээр бүтэн хоёр жил гаруй хугацаанд эрэл хайгуул хийсэний эцэст Швейцарын Холбооны Улсаас "Credit Suisse AG" банк дахь иргэн С.Баярцогтын ам.долларын 3, еврогийн 2, нийт 5 дансны 2008.09.30-2013.12.31 хугацааны гүйлгээг ил болгож түүний гадаад дахь оффшор бүсэд нуусан их хэмжээний хөрөнгийг нь ил болголлоо.
Өмнө нь нэг дансны зөвхөн үлдэгдэл мөнгө мэдэгдсэн бол одоо орсон, гарсан бүхий л мөнгөн гүйлгээ эзэн холбогдогчидтойгоо ирсэн учраас ганц Оюутолгой бус өөр олон луйврын харилцааг илчилж болохуйц нөхцөл байдал үүсчихлээ гэсэн үг.
Тухайлбал өнгөрсөн оны гуравдугаар сард Мөлжүүртэй эрхэм "Швейцарийн банканд надад ямар нэгэн данс байхгүй” хэмээн мэдээлэл хийж байсан удаатай. Тэгвэл тэрбээр яг энэ цаг үед дээрх дансуудыг юу гэж тайлбарлах бол гэдэг нь анхаарал татаж байна. Ямартай ч энэхүү нотлох баримт дээр үндэслэн Мөлжүүртэй эрхмийн мөнгөний гарал үүсэл хаанаас угшилтай вэ гэдгийг хуулийнхан тогтоож түүнийг Оюутолгойн гэрээнд онцгой үүрэг гүйцэтгэснийхээ шанд маш их хэмжээний мөнгө авсан уу, үгүй юу гэдгийг тогтоох нь цаг хугацааны асуудал боллоо.
Р.Саруул
Санал болгох
Сэтгэгдэл бичих
АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!
