ОНГОЦНООС ШИРХЭГ АЛИМ АВЧ БУУСАН ЗОРЧИГЧ $500-ААР ТОРГУУЛЖЭЭ

🕔 2018/04/23 17:54

ОНГОЦНООС ШИРХЭГ АЛИМ АВЧ БУУСАН ЗОРЧИГЧ $500-ААР ТОРГУУЛЖЭЭ

Нислэгийн явцад үйлчлэгчийн өгсөн алимыг онгоцноос авч буусан зорчигч Америкийн гааль дээр $500-аар торгуулсан тохиолдол гарчээ.

Өнгөрсөн долоо хоногт АНУ-ын Дельта компанийн онгоцоор Парисаас эх нутагтаа буцаж ирсэн Кристал Тэдлок зорчигчдод үнэгүй тараасан алимыг өлсөөгүй байсан тул дараагийн нислэгтээ идэхээр төлөвлөөд авч буусан гэнэ.

Гэтэл АНУ-ын гаалийнхан түүнийг жимсний контрбанд хийсэн хэргээр торгож шийтгэжээ. Үүнээс гадна олон улсад зорчих эрхийг нь түдгэлзүүлсэн байна. Тэдлок алим боосон цаасан дээр Дельта компанийн билэгдэл байгааг үзүүлж тайлбарласан ч хөдөө аж ауйн барааг гаалийн мэдүүлэгт заавал бичих ёстой гэсэн үндэслэлээр торгожээ.

Дельта компанийн албаны хүн "нисэх онгоцонд үйлчилсэн хүнсийг зөвхөн нислэгийн үед хэрэглэх ёстой” гэсэн тайлбар өгсөн байна.

Денверийн оршин суугч Тэдлок "Ганц ширхэг жимснээс болж гэмт хэрэгтэнтэй адил харьцсанд харамсаж байна” гээд торгуулийн мөнгийг эргүүлж авахын төлөө тэмцэнэ гэдгээ мэдэгджээ.

Эх сурвалж: The Washington Post

Санал болгох

Сэтгэгдэл бичих

АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!