Л.Эрдэнэчимэг баярлуулан гомдоолоо

"УИХ-ын гишүүн миний бие хийсэн үйлдэлдээ хариуцлага үүрч, олон улсад Монгол Улсынхаа Засгийн газрын нэрийг унагасандаа хүлцэл өчиж УИХ-ын сонгуулиас өөрийн нэрээ татлаа. УИХ-ын гишүүн Л.Эрдэнэчимэг” гэсэн мэдэгдэл өчигдөр сошиал ертөнцөөр  багагүй тарж, олны анхаарлыг татлаа. Анхаарлыг гэхээсээ илүүтэйгээр сайшаал, магтаалыг хүртсэн юм. "УИХ-ын гишүүн хүн хариуцлагаа үүрч, нэрээ татаж байгаад баяртай байна, улс төрийн соёл гаргасанд баярлалаа, Ухаантай шийдвэр гаргажээ шинэ үедээ сургамж болог” гэхчилэн хөлчүүрхсэн Л.Эрдэнэчимэг гишүүнийг нэрээ татаж байгаад баярлаж байгаагаа илэрхийллээ. Үнэндээ түүнийг улс төрийн соёл гаргаж байгаад талархан Төрийн ордноо хөлчүүрхсэн гэмийг бараг л уучилсан болов уу гэмээр сэтгэгдлүүд хөвөрсөн юм.

Гэсэн ч төд удалгүй эрхэм гишүүн "Төрийн ордноо согтууруулах ундаа хэрэглэж, санаачилсан хуулиа зөрчин тамхи татсандаа хариуцлагаа үүрсэн. 50 мянган төгрөгөөр торгуулсан. Болоо. Нэрээ татахгүй” гэснээр сайшааж байсан олон нийтийн эгдүүцлийг тэрээр хүргээд амжлаа. Тэрбээр мандатаасаа зуураад яасан ч тавихгүй гэдгээ дээрх мэдэгдлээр илэрхийллээ гэсэн үг. Үнэндээ Л.Эрдэнэчимэгийг энэ мэтээр нүүр улайлгахыг эчнээ мэддэг намын нөхөд нь түүнд энэ удаагийн буюу 2016 оны сонгуульд нэр дэвших эрхийг нь өгөөгүй. Гэсэн ч намын дарга З.Энхболд нь Т.Болдбаатарыг жийн байж түүнийг зүтгүүлснийхээ  "гор”-ыг авсан ч хамаагүй гэж, харин Л.Эрдэнэчимэг яаж ёс бус авирласан үйлдэл нь илчлэгдсэн ч хамаагүй гишүүний сэнтийд залрахаар ийнхүү сэтгэл шулууджээ.

Эх сурвалж: Д.ЖАРГАЛ  Zaluu.com     http://www.zaluu.com/read/787698cc