Энэ өдрийн зурхай /2017.09.27/

🕔 2017/09/27 08:45

Энэ өдрийн зурхай /2017.09.27/

 

Өнөөдөр аргын тооллын 2017 оны есдүгээр сарын 27. Лхагва гараг. Билгийн тооллын XVII жарны "Алтан унжлагат" хэмээгч Гал тахиа жилийн Намрын дунд шарагчин тахиа сарын шинийн 7. Буд гараг. Гар одтой, хоёр хар мэнгэтэй, улаагчин могой өдөр.

                          Барилдлага:Рашаан 
                          Шүтэн барилдлага: Тийн мэдэхүй    
                          Суудал: Шороо

Өдрийн наран 6 цаг 56 минутад мандан, 18 цаг 45 минутад жаргана. Тухайн өдөр үхэр, тахиа жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, хараал, жатхыг буцаах, газар лусын зан үйл хийх, өр барагдуулах, буг дарах, газрын ам бооход сайн. Ургаа мод таслах, байшингийн суурь тавих, угаал үйлдэхэд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод баруун зүгт мөрөө гаргавал зохистой. Үс шинээр үргээлгэх буюу засуулахад тохиромжгүй хэмээжээ.

Үс шинээр үргээлгэх буюу засуулахад тохиромжгүй...

* * *ӨРНИЙН ЗУРХАЙ * * *


        ХОНЬ (3/21-4/19)

Ажил хэргийн болон хувийн харьцаа тогтооход таагүй өдрүүдийн нэг. Сэтгэл санааны эогсонги байдал ба уриалагхан бус чанараасаа болж харьцаанд үл ойлголцох хөндий байдал бий болж болзошгүй. Бие тань гэнэт муудаж магадгүй. Хуримтлагдсан ажлуудаа дуусгахад өдрийг зориул. Үр дүнгээ тооц. Хэрэггүй санаа бодол, эд зүйлсээс өөрийгөө салга. Шинэ ажил хэрэг бүү эхэл.


ҮХЭР (4/20-5/20)

Тамирчин бол гялалзсан амжилт өндөр шагнал, чих дүлийрэм алга ташилт хүлээж байна. Өөрийгөө золиосолж, өөртэйгээ тэмцэж чаддаг хүмүүст амжилт ойрхон байна. Хүүхдүүдтэй эсвэл, бизнестэй холбоотой ажил маш их сэтгэл ханамж ба том боломж авчирч болно.


ХАМТАТГАХ (5/21-6/21)

Гадны нөлөөнд бүү авт, бууж өгч болохгүй. Архаг өвчин хөдөлнө. Хамтын ажиллагаа, ажил хэрэгтээ сонирхолгүй болно. Биеэ барь. Томоохон зүйл худалдан авах, зардал гаргахаас зайлсхий. Танд анхаарал тавьж буй сайн танихгүй хүмүүстэй харилцахдаа болгоомжил.


 МЭЛХИЙ  (6/22-7/22)   

Энэ өдөр харьцахад тааламжтай байна. Таны харьцаа нарийн, гайхамшигтай харилцан ойлголттой байна. Хувь заяагаар холбоотой хүүхдүүдтэйгээ нөхөрсөг харьцаагаа бэхжүүлэх боломж бүхнээ ашигла.


АРСЛАН (7/23-8/22)   

Олонх арслан өөрийгөө ганцаардмал, хэнд ч хэрэггүй хүн мэтээр төсөөлснөөр сэтгэл санааны тайван байдал нь алдагдана. Өөрийн амьдралын зарчмаа эргэн харж нийгэмд оршиж буй нийтээр тогтсон амьдралын хэв маягтай нийцүүлэх шаардлагатайг анхаар. Усыг нь уувал юу гэдэг билээ, сана.


ОХИН (8/23-9/22)

Хуучны түншүүд, далдуур атаархагчид, өрсөлдөгчдийн үйл ажиллагаа шинэ төслийн ажилд тань саад тотгор учруулна. Өөрийн үзэл бодол, төлөвлөгөөгөө дахин эргэж харж хянахыг од эрхэс танд зөвлөж байна.


ЖИНЛҮҮР (9/23-10/22)   

Хайр дурлал, гэр бүл, ажил төрөл бүх зүйлд амжилттай сайн өдөр. Ажил ихтэй, гэвч үнэнч ажилтнууд танд тусална. Таныг тойрон буй энэхүү өөрийн ертөнцийн төвд нь та байх болно. Харин шалихгүй зүйлээс болж тойрон хүрээлэлдээ цав суулгахаас болгоомжил.


ХИЛЭНЦ (10/23-11/21)   

Шинэ ирээдүй, гэнэтийн шинэ боломжууд нээгдэнэ. Энэ нь шинэ найз нөхөд, хамтын ажиллагаатай холбоотой. Аяллаар явбал ашиг олоод зогсохгүй эрүүл мэндээ бэхжүүлж сонирхолтой шинэ танилтай болно. Дээд албан тушаалтантай харилцах, ажил хэргийн уулзалт, албаны бичиг баримттай харьцахад тааламжтай.


НУМ (11/22-12/21)

Энэ өдөр та мэхлэгдэж, хий хоосон амлалтанд өртөнө. Мөнгө санхүүтэй холбоотой ажлыг хянамгай хийхийг одод зөвлөж байна. Аз туршвал алдагдалд орно. Ажлаа саатуулснаас таны нэр хүнд унана. Элдэв хэрүүл маргаанаас хол бай. Шүүмжлэлд бүү эмзэглэ.


МАТАР (12/22-1/19)

Гүн ухаантнуүд, үзэл сурталчид, улс төрчид, төрийн албан хаагчидэнхтайвны үйл хэрэг, ертөнцийн бүх хүмүүсийн сайн санааны төлөө зүтгэх аятайхан боломжийг алдаж болохгүй.Гэвч аз жаргалтай үйл явдлуудын тоо азгүйтэл, бүтэлгүйтлүүдээс олон дахин давуу байх болно. Таагүй үйл явдлуудыг урьдчилан харж түүнд бэлэн байхыг танд зөвлөе.


ХУМХ (1/20-2/18)

Өнөөдөр та ихэнх ажлынхаа асуудлыг шийдэж чадна. Найз нөхөд хамтрагчдаа тусалж, ямар нэг зүйл өгнө. Ойр дотнынхонтойгоо тэвчээртэй, зөөлхөн ханд. Энэ нь таны мэдрэлийг гамнаж, найз нөхдийн хүндлэлийг өсгөнө. Та энэ үед жаахан ч гэсэн амрах хэрэгтэй.


ЗАГАС (2/19-3/20)

Өнөөдөр та азтай байна. Энэ өдөр таны ажил амьдрал хэвийн байдалдаа орно. Танд ажил чинь ойлгомжтой болно. Аль ашигтай газартаа туршлагатай хүмүүсээ ажиллуул.Та амьдралаасаа таашаал авах хэрэгтэй. Олонх хүмүүс өөрсдийн сайн талуудаа харуулах боломж нээгдэнэ. Дипломат харилцааны урлагийг ашиглан санхүүгийн гэрээ хэлэлцээрийг гялалзтал байгуулж, ашигтай арилжаа наймаа хийж чадна.


Санал болгох

Сэтгэгдэл бичих

АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!