ЯЛАГЧГҮЙ СОНГУУЛЬ

Энэ удаагийн Ерөнхийлөгчийн сонгуульд ялагч тодорсонгүй. Хуулийн дагуу нийт сонгогчдын 50+1 хувийн хэмжээний санал нэр дэвшигч ялалт байгуулах  ёстой. 

Гэвч нэр дэвшигчдийн тухайд урьдчилсан байдлаар  МАН-аас нэр дэвшигч М.Энхболд 411159, АН-наас нэр дэвшигч Х.Баттулга 517330, МАХН-наас нэр дэвшигч С.Ганбаатар 409777 сонгогчийн санал авсан үзүүлэлтэй байна. Говь-Алтай, Завхан аймгаас тус тус нэг хэсгийн хорооны урьдчилсан дүн мэдээлэл хараахан ирээгүй байгаа юм. 
 

№	Аймаг, дүүргийн сонгуулийн хороо	Нэр дэвшигч	Нам	Саналын тоо	Хувь
1	Архангай аймаг	С.Ганбаатар	МАХН	14932	37,9
2	Баян-Өлгий аймаг	М.Энхболд	МАН	19332	49,88
3	Баянхонгор аймаг	Х.Баттулга	АН	23886	60,44
4	Булган аймаг	С.Ганбаатар	МАХН	10263	38,53
5	Говь-Алтай аймаг	М.Энхболд	МАН	9426	39,43
6	Говьсүмбэр аймаг	С.Ганбаатар	МАХН	2557	36,51
7	Дорноговь аймаг	С.Ганбаатар	МАХН	9635	33,95
8	Дорнод аймаг	С.Ганбаатар	МАХН	11924	39,34
9	Дундговь аймаг	С.Ганбаатар	МАХН	9004	46,03
10	Завхан аймаг	М.Энхболд	МАН	12442	39,99
11	Өвөрхангай аймаг	М.Энхболд	МАН	17908	38,58
12	Өмнөговь аймаг	С.Ганбаатар	МАХН	11484	42,83
13	Сүхбаатар аймаг	М.Энхболд	МАН	10023	36,11
14	Сэлэнгэ аймаг	М.Энхболд	МАН	15619	33,96
15	Төв аймаг	М.Энхболд	МАН	16546	40,69
16	Увс аймаг	М.Энхболд	МАН	16698	49,49
17	Ховд аймаг	М.Энхболд	МАН	13724	54,88
18	Хөвсгөл аймаг	М.Энхболд	МАН	18802	34,8
19	Хэнтий аймаг	С.Ганбаатар	МАХН	12162	38,95
20	Дархан-Уул аймаг	С.Ганбаатар	МАХН	16351	39,54
21	Орхон аймаг	С.Ганбаатар	МАХН	18451	42,82
	Аймгийн дүн
1	Хан-Уул	Х.Баттулга	АН	34595	46,5
2	Баянзүрх	Х.Баттулга	АН	67336	45,21
3	Сүхбаатар	Х.Баттулга	АН	29407	46,5
4	Чингэлтэй	Х.Баттулга	АН	31065	43,39
5	Баянгол	Х.Баттулга	АН	48,314	50,59
6	Сонгинохайрхан	Х.Баттулга	АН	53978	38,47
7	Багануур	Х.Баттулга	АН	4275	35,34
8	Багахангай	М.Энхболд	МАН	1104	56,26
9	Налайх	С.Ганбаатар	МАХН	6450	39,9
	Гадаад дахь Монголчууд	Х.Баттулга	АН	2979	63,19
	Нийслэлийн дүн
	Улсын дүн

 
Сонгуулийн ерөнхий хорооны хамгийн сүүлд хийсэн мэдээллээр нийт сонгогчийн 66.54 хувь нь саналаа өгчээ. Тодруулбал, нийт 1.9 сая сонгогчийн 1.3 сая нь нэр дэвшигчдэд саналаа өгчээ.   

Иймээс Сонгуулийн төв байгууллагаас дахин сонгуулийн тов тогтоохоос өөр гарцгүй болсныг тодотгон хэлсэн. Учир нь  Ерөнхийлөгчийн сонгуулийн хуулиар аль нэг нэр дэвшигч сонгогчдын олонхийн санал аваагүй тохиолдолд дахин санал хураалт явуулах бөгөөд холбогдох байгууллага 14 хоногийн дотор  хугацааг товлох заалттай. Иймээс хамгийн олон санал авсан хоёр нэр дэвшигч дахин өрсөлдөхөөр болж байна. Санал хураалтын урьдчилсан дүнгээр АН-наас нэр дэвшигч Х.Баттулгатай МАН-ын нэр дэвшигч М.Энхболд нар санал хураалтыг тэргүүлж яваа юм. 

Эх сурвалжийн мэдээллээр албаныхан дахин сонгуулийн товыг ирэх сарын 7-нд хийхээр ярилцаж байгаа аж.