ЗАР »
Дундговь аймагт “Нөөлөг салхи” дэгдэж, шороогоор шуурчээ
Дундговь аймагт өчигдөр хүчтэй салхи, шороон шуурга шуурсан бөгөөд үүнийг цаг уурын хэллэгээр "Нөөлөг салхи” гэж нэрлэдэг байна.
Нөөлөг салхи нь хавар, намрын шилжилтийн улирал, зуны хур борооны улиралд голдуу ажиглагддаг. Ялангуяа хаврын улиралд хуурайшилтын улмаас газрын өнгөн хөрснөөс салхины үйлчлэлээр тоос шороо их хэмжээгээр агаарт дэгдэж, үзэгдэх орчин хязгаарлагдаж, тоос шороо газраас дээш хэдэн зуун метрийн өндөрт тархан салхиар зөөгдөн томоохон хэмжээний газар нутгийг хамардаг гэж Цаг уур, орчны шинжилгээний газраас тайлбарлалаа.
Өчигдөр Завхан, Говь-Алтай, Баянхонгор, Архангай, Өвөрхангай, Булган, Сэлэнгэ, Төв аймаг, Улаанбаатар хот, Дундговь, Өмнөговь аймгийн нутгаар нөөлөг салхи дэгдсэн байна. Харин Дундговь аймагт 15.00-16.00 цагийн орчимд хамгийн хүчтэй буюу 15-16 м/сек, өрөвхийлөл нь 24-28 м/сек хүрч, нэг цаг орчим шуурчээ.
Өчигдөр орой 18.00 цагийн байдлаар Онцгой байдлын ерөнхий газраас тодруулахад, "Дундговь аймгаас ямар нэгэн хохирол гарсан тухай мэдээлэл ирээгүй байна” гэж мэдэгдсэн байна.
Дундговь аймагт шөнөдөө шороогоор бага зэрэг шуурсан гэж нутгийн иргэн мэдээллээ.
Сэтгүүлч Э.Оргил | GoGo.mn
Санал болгох
Сэтгэгдэл бичих
АНХААРУУЛГА: Уншигчдын бичсэн сэтгэгдэлд www.Dundgovi.mn сайт хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг устгах эрхтэй!
