АЗИЙН ДИНЗАВРЫН ХОЛБООНЫ IV СИМПОЗИУМЫН ТӨЛӨӨЛӨГЧИД ГОВЬД АЯЛАЖ БАЙНА

Азийн динзаврын холбооны ээлжит 4 дүгээр симпозиум Улаанбаатар хотод үргэлжлээд өнөөдөр Дундговь, Өмнөговь аймгийн чиглэлд хээрийн танилцах аялалд гарлаа. Ингэхдээ Монгол орны говь нутгийн хүн ардын аж амьдрал, зан заншилтай танилцан үлэг гүрвэлийн баялаг олдвор байсан газар нутгийг эрдэмтэн, судлаачдын нүдээр газар дээр нь үзэж харах юм.  11 орны 100 гаруй эрдэмтэдийг УИХ-ын гишүүн Б.Наранхүү  Дундговь аймагт үдлэх боломжийг ханган
үдийн зоог барьж, тус аймгийн театрын уран бүтээлчдийн тоглолтыг сонирхууллаа. Энэ үйл ажиллагааг УИХ-ын гишүүн Б.Наранхүүгийн бие төлөөлөгч Ц.Мөнхбат зохион байгуулж гишүүний мэндчилгээг уламжилсан юм.
Өмнөх симпозимууд Япон, Тайланд, Хятадад болсон бол энэ удаагийнх Улаанбаатарт боллоо

                Энэ  аяллыг ШУА-ийн Палеонтологи, геологийн хүрээлэнгийн захирал, Азийн динзаврын холбооны дэд ерөнхийлөгч, энэ симпозиумыг зохион байгуулах хорооны дарга Доктор Х.Цогтбаатар ахлаж явна.С.ПҮРЭВСҮРЭН