УИХ-ЫН ГИШҮҮН Б.НАРАНХҮҮ БЯЦХАН ХҮҮ Э.САЙХАНБИЛЭГ ХҮҮГИЙН ЭМЧИЛГЭЭНИЙ ХАНДИВЫН АЯНД НЭГДЛЭЭ

Хэдэн сарын өмнөөс  "Дэлхийн чимээ бяцхан зүрхэнд” хандивын аянаар Дундговь аймгийн төрийн албан хаагч  Т.Эрдэнэбаярын бяцхан хүү Сайханбилэгийн сонсголыг гадаад оронд эмчлүүлэх  зардал бүрдүүлэх  хөдөлгөөн өрнөсөн билээ. Тэгвэл хүүгийн аав, ээжээс баярт мэдээ ирлээ.  УИХ-ын эрхэм гишүүн Батсүхийн НАРАНХҮҮ бяцхан хүү Сайханбилэгийг сонсголтой болох, " Дэлхийн чимээ бяцхан зүрхэнд" хандивын аянд тусалж, БНСУ-д эмчлүүлэх боломжийг олгож, Солонгос улсын ЁНСОЙ эмнэлэгийн Чих хамар хоолойн хамгийн Сайн эмчээр хагалгаагэнэ дөрөвдүгээр сарын 20-нд  хийлгэхээр болжээ. Хүүгийн аав, ээж " Эрхэм гишүүн Б.Наранхүү Таны энэхүү сайн үйлс миний хүүгийн ирээдүйн амьдралд маш том хувь нэмэр оруулж байгаа юм. Мѳн олон сайхан хүмүүс тусалсан байгаа.  Bayasgalan Batjargal, Dashdawaa Batbold "Залуу жонон"группын захирал, БНСУ-ын Элчин сайдын яам, гишүүний туслах Батхүү, Дундговь аймгийн нутгийн зон олон хандив ѳргѳсѳн бүх хүмүүстээ чин сэтгэлээсээ талархаж байгаагаа илэрхийлье. Сайн  үйлс бүхэн дэлгэрэг” хэмээн баярласан сэтгэлээ хуваалцаж эдгээр сайхан сэтгэлт хүмүүст чин сэтгэлийн талархлаа илэрхийлсэн байна.  С.ПҮРЭВСҮРЭН