ДУНДГОВИЙН УДИРДЛАГА УЛААН-УУЛЫН ХИЛИЙН ЦЭРГИЙН АНГИД АЛБА ХААЖ БАЙГАА ДАЙЧДАА ЭРГЭЛЭЭ

Дундговь аймгийн  Иргэдийн Төлөөлөгчдийн Хурлын дарга С.Сүхбаатар,  Засаг дарга О.Бат-Эрдэнэ, Цэргийн штабын дарга, дэд хурандаа Ш.Гансүх нар аймгийн ИТХ-ын зарим төлөөлөгчийн хамтаар Дорноговь аймгийн нутаг дахь Хилийн цэргийн дугаар ангид тус аймгаас цэргийн алба хааж байгаа дайчдаа эргээд ирлээ. Тус ангид Дундговь аймгаас 55 байлдагч цэргийн алба хааж байгаа юм.
Энэ үеэр Сайнцагаан сумын Тэвшийн багийн иргэн
байлдагч Ш.Дорждэрэмийг эмээ Алгирмаатай нь уулзуулсан  нь сэтгэл хөдөлгөсөн үйл явдал болжээ. Хол газраас богино хугацаатай очсон Алгирмаа ач хүүгээ үеийн олон хүүхэдтэй эр цэргийн  албыг сайн хааж цэргийн эрдэмд суралцаж байгаатай танилцаад дурсгалын зураг хамт татуулан  сэтгэл хангалуун буцсан байна.
Эх сурвалж: Аймгийн ЗДТГ-ын ХМОНХ алба