УИХ-ын гишүүдийг түдгэлзүүлэх шаардлагагүй гэж үзлээ

УИХ-ын гишүүн Г.Солтан, Д.Дамба-Очир, Б.Ундармаа, Л.Энхболд нарын дөрвөн гишүүнийг бүрэн эрхээс нь түпгэлзүүлж шалгах хүсэлтийг прокурорын байгууллагаас УИХ-ын Тамгын газарт ирүүлсэн билээ. Энэ асуудлаар УИХ-ын гишүүний халдашгүй байдлын дэд хороо өчигдөр, өнөөдөр хоёр өдөр хуралдаж шийдвэрээ гаргалаа.

Ингэхдээ Мөрдөн байцаах байгууллага шалгалтаа дуустал УИХ-ын гишүүдийг түдгэлзүүлэх шаардлагагүй гэж үзсэн байна. Буруутай, буруугүйг нь тогтоосны дараа эдгээр дөрвөн гишүүний бүрэн эрхийг түдгэлзүүлэх эсэхийг УИХ-аар оруулах шаардлагатай гэсэн санал дүгнэлтийг Халдашгүй байдлын дэд хорооноос гаргаснаа мэдэгдлээ.