ДУНДГОВИЙН ГЭРЭЛ ЗУРАГЧИН Э.БАТ-АМЬДРАЛ МОНГОЛЫН ГЭРЭЛ ЗУРАГТ НЭРЭЭ ГАРГАЖ ЭХЭЛЛЭЭ

Дундговь аймгийн Эрдэнэдалай суманд ажиллаж амьдардаг залуу гэрэл зурагчин Эрдэнэбилэгийн Бат-Амьдралын 3 бүтээл "Адууны хийморь" үндэсний хэмжээний үзэсгэлэнгийн 100 шилдэг зурагт шалгарлаа. Дундговь аймгаас 60-аад оноос Монголын гэрэл зурагт авьяасаараа түрэн орж ирсэн, Улсын гэрэл зургийн газар, МОНЦАМЭ агентлагийн авьяаслаг гэрэл зурагчин, Дэлгэрхангай сумын уугуул Банзрагчийн Сүхээ агснаас хойш улсын уралдаанд бүтээл нь шалгарсан гэрэл зурагчин төдий л гараагүй бол Монголын гэрэл зурагчдын нэгдсэн холбооны гишүүн, залуу гэрэл зурагчин Э.Бат-Амьдрал найдвар төрүүлэн гарч ирэн Монголын гэрэл зурагт ийнхүү хөл тавьлаа.