ОСОРЫН ГАНБАТ ХҮЙН ЭЭЖДЭЭ БАГЛАА АМЬД ЦЭЦЭГ БАРИН ЗОЛГОВ

Осорын Ганбат Монгол улсын Гаалийн Ерөнхий газрыг нэгэн цагт толгойлж явсан эрхэм.  Тэр саяхан Дундговь аймгийн Говь-Угтаал сумын Сум дундын эмнэлгийн ойд уригдан оролцох үеэрээ нэгэн сонин учралтай тохиов. Түүний аав Осор залуудаа энэ суманд Малын эмчээр томилогдон ажиллаж байхад хүү Ганбат нь мэндэлсэн тул төрсөн эмнэлгийнхээ ойд уригдсан нь тэр аж. Харин Ганбатыг төрөхөд залуу эмч Ш.Балжинням эх барьж авсан байна. Энэ ойд уригдан ирсэн "Хүйн ээж"-тэйгээ энд ийнхүү уулзана чинээн санаагүй О.Ганбат овсгоо гарган цэцгийн баглаа бэлдэн дугтуйтай мөнгөний хамт барин золгосон нь тэнд цугларсан олон хүнийг огшоосон үйл явдал болсон билээ.